Besta deildin: Sögulegur sigur að Hlíðarenda

Þór/KA hefur ekki oft sótt gull í greipar Hlíðarenda. Sigurinn á laugardag var því nokkuð sögulegur enda aðeins annar sigur Þórs/KA á Val í efstu deild Íslandsmótsins að Hlíðarenda. Rúm sautján ár (6.253 dagar) á milli og Arna Sif Ásgrímsdóttir spilaði báða leikina.

Þó svo sigurinn á laugardaginn sé aðeins annar sigur Þórs/KA á Val að Hlíðarenda í efstu deild Íslandsmótsins er þetta þó þriðji sigurinn á Val á útivelli i efstu deild. Sumarið 2016 spilaði Valur nefnilega á Laugardalsvelli þegar unnið var að uppbyggingu núverandi gervigrasvallar félagsins að Hlíðarenda. Þór/KA vann Val á þjóðarleikvanginum það sumar.

• Leikskýrsla: Valur-Þór/KA - 1-2
  Fyrsti sigur Þórs/KA á Val að Hlíðarenda leit dagsins ljós í 14. umferð mótsins  þann 7. ágúst 2009. Dragan Stojanovic og Siguróli Kristjánsson stýrðu þá liði Þórs/KA. Mateja Zver skoraði bæði mörk Þórs/KA.
• Leikskýrsla: Valur-Þór/KA - 0-4
  Annar sigur Þórs/KA á Val á útivelli í efstu deild Íslandsmótsins leit dagsins ljós á Laugardalsvelli í 16. umferð mótsins, 1. september 2016. Markvörður Vals fékk að líta rauða spjaldið á 64. mínútu þegar staðan var 0-0. Þór/KA gekk á lagið og skoraði fjögur mörk, niðurstaðan 4-0 sigur. Klara Lindberg skoraði þrennu og Sandra María Jessen skoraði eitt mark. Jóhann Kristinn Gunnarsson stýrði liði Þórs/KA með Siguróla Kristjánsson og Unnar Þór Garðarsson með sér sem aðstoðarþjálfara í þessum leik.
• Leikskýrsla: Valur-Þór/KA - 0-1
  Þriðji sigurinn varð svo til í 19. umferð mótsins síðastliðinn laugardag, 19. september, þegar Margrét Árnadóttir skoraði eina mark leiksins. Ótrúlegt en satt, Arna Sif Ásgrímsdóttir spilaði ekki aðeins allan leikinn á laugardaginn heldur spilaði hún einnig allan leikinn í fyrsta sigrinum 2009. Bæði skiptin var Arna Sif í treyju nr. 11. Hér stýrðu liðinu þair Aðalsteinn Jóhann Friðriksson, Jóhann Hreiðarsson og Sveinn Leó Bogason.

Bæði árin sem Þór/KA varð Íslandsmeistari gerðu liðin jafntefli að Hlíðarenda. Árið 2012 urðu lokatölur 2-2 þar sem Johanna Rasmussen og Dagný Brynjarsdóttir komu Val í 2-0, en Katrín Ásbjörnsdóttir og Lillý Rut Hlynsdóttir skoruðu seint í leiknum og tryggðu jafnteflið. Sumarið 2017 endaði leikurinn að Hlíðarenda 1-1 þar sem Stephany Mayor kom Þór/KA yfir, en Vesna Smiljkovic jafnaði.

Lið Þórs/KA

• 2009: Berglind Magnúsdóttir, Silvía Rán Sigurðardóttir, Karen Nóadóttir, Rakel Hinriksdóttir, Inga Dís Júlíusdóttir, Vesna Smiljkovic, Rakel Hönnudóttir (f), Mateja Zver, Arna Sif Ásgrímsdóttir, Bojana Besic, Elva Friðjónsdóttir. Varamenn: Halla Valey Valmundsdóttir, Sonja Geirsdóttir, Íunn Eir Gunnarsdóttir, Eva Hafdís Ásgrímsdóttir.
• 2016: Roxanne Barker, Gígja Valgerður Harðardóttir, Silvía Rán Sigurðardóttir, Karen Nóadóttir (f), Kayla Grimsley, Sandra María Jessen, Lára Einarsdóttir, Klara Lindberg, Anna Rakel Pétursdóttir, Sara Miller, Lillý Rut Hlynsdóttir. Varamenn: Harpa Jóhannsdóttir, Agnes Birta Stefánsdóttir (83'), Ágústa Kristinsdóttir, Andrea Mist Pálsdóttir (75').
• 2026: Allie Augur, Angela Mary Helgadóttir, Libby Moore, María Dögg Jóhannesdóttir, Karen Hulda Hrafnsdóttir, Hildur Anna Birgisdóttir, Karen María Sigurgeirsdóttir, Arna Sif Ásgrímsdóttir (f), Margrét Árnadóttir, Hulda Ósk Jóndóttir, Lauren Lapomarda. Varamenn: Harpa Jóhannsdóttir, Amalía Árnadóttir (67'), Birgitta Rún Finnbogadóttir (85'), Eva Dolina-Sokolowska, Agnes Birta Stefánsdóttir (85'), Halla Bríet Kristjánsdóttir (75'), Emelía Blöndal Ásgeirsdóttir. 
• Einnig með Val: Inga Dís Júlíusdóttir (2016), Vesna Smiljkovic (2016), Lillý Rut Hlynsdóttir (2026)

Valdir kaflar úr leiknum á laugardaginn

Myndin með fréttinni er af byrjunarliðinu gegn Val laugardaginn 19. september 2026. Aftari röð frá vinstri: Libby Moore, María Dögg Jóhannesdóttir, Arna Sif Ásgrímsdóttir (f), Karen Hulda Hrafnsdóttir, Hulda Ósk Jónsdóttir og Angela Mary Helgadóttir. Fremri röð frá vinstri: Allie Augur, Karen María Sigurgeirsdóttir, Margrét Árnadóttir, Hildur Anna Birgisdóttir og Lauren Lapomarda.