Besta deildin: Þrír leikir fram undan í neðri hlutanum

Bestu deild kvenna hefur nú verið skipt í tvennt. Sex efstu liðin mætast í einfaldri umferð og fjögur neðstu sömuleiðis. Þór/KA á leiki laugardaginn 19. september, föstudaginn 25. september og föstudaginn 2. október. Liðið fær einn heimaleik, 25. september, og verður frítt á þann leik í boði Grand þvottar og Bílaleigu Akureyrar.

Að loknum 18 umferðum eru það Fram, Valur, Víkingur og Þór/KA sem mætast í neðri hluta Bestu deildarinnar. Þegar upp var staðið var okkar lið aftur komið niður í 10. sæti deildarinnar, en litlu munar á liðunum fjórum sem nú munu berjast við að forðast fall úr deildinni. 

Nú er mikilvægara en nokkru sinni að Akureyringar standi saman og styðji kvennaliðið okkar í fótboltanum, öll sem eitt. Stuðningurinn skiptir máli, bæði á heima- og útivelli. Akureyringar og annað stuðningsfólk er því hvatt til að mæta á leikina og láta í sér heyra. 

Svona er staðan þegar komið er að lokakaflanum:

Eins og sjá má munar þremur stigum á efsta og neðsta liði í þessum hluta deildarinnar. Níu stig eru í pottinum fyrir hvert lið og hver einasti leikur mikilvægur, hvert einasta stig. Tvö efri liðin fá tvo heimaleiki, en tvö þau neðri fá einn heimaleik.

• Heimaleikur Þórs/KA verður föstudaginn 25. september og hefst kl. 18. 
  Vakin er athygli á að frítt verður á leikinn í boði Bílaleigu Akureyrar og Grand þvottar.

Leikir í Bestu deildinni, neðri hluta

• 19. umferð
  18.09.: Fram - Víkingur
  19.09.: Valur - Þór/KA
• 20. umferð
  25.09.: Valur - Víkingur
  25.09.: Þór/KA - Fram
• 21. umferð
  02.10.: Fram - Valur
  02.10.: Víkingur - Þór/KA