Besta deildin: Útileikur gegn Víkingi í dag

Afmælisbarn dagsins, Amalía Árnadóttir, í leiknum gegn Fram 7. ágúst. Mynd: Ármann Hinrik.

Þór/KA sækir Víking heim í 16. umferð Bestu deildar kvenna í dag. Flautað til leiks í Víkinni kl. 18.

Enn er baráttan í neðri hluta deildarinnar jöfn og spennandi, átta stiga munur á liðunum í 5. og 10. sæti deildarinnar.

FH og Breiðablik eru jöfn á toppnum, bæði með 33 stig úr 14 leikjum, en þessi lið mætast á morgun, leikur í 15. umferð mótsins. ÍBV er með 24 stig í 3. sætinu og Stjarnan með 23 stig í 4. sætinu. Litlu munar í stigafjölda á liðunum þar fyrir neðan.

• 5. Grindavík/Njarðvík
  19 stig
  -6 í markamun
  Leikir eftir: Fram (h), Víkingur (ú), Valur (h)
• 6. Þróttur
  18 stig
  -4 í markamun
  Leikir eftir:  ÍBV (ú), Þór/KA (h), Breiðablik (h)
• 7. Fram
  16 stig
  -13 í markamun
  Leikir eftir: Grindavík/Njarðvík (ú), Stjarnan (h), ÍBV (ú)
• 8. Þór/KA (14 leikir)
  15 stig
  -5 í markamun
  Leikir eftir: Víkingur (ú), Valur (h), Þróttur (ú), FH (ú)
• 9. Valur
  13 stig
  -13 í markamun
  Leikir eftir: Þór/KA (ú), FH (h), Grindavík/Njarðvík (ú)
• 10. Víkingur (14 leikir)
  11 stig
  -13 í markamun
  Leikir eftir: Þór/KA (h), FH (ú), Grindavík/Njarðvík (h), Stjarnan (ú)

Leikir 16. umferðar

Fjórum leikjum af fimm í 16. umferðinni er nú þegar lokið, aðeins leikur okkar liðs gegn Víkingi sem er eftir. Einn leikur úr 15. umferð mótsins, viðureign Breiðabliks og FH, verður á morgun, en Breiðablik var erlendis í Evrópuleikjum þegar 15. umferðin var spiluð. 

• Þróttur - Valur 3-2
• Breiðablik - Grindavík/Njarðvík 1-0
• Fram - FH 4-6
• ÍBV - Stjarnan 3-2
• Víkingur - Þór/KA