Ísfold Marí í æfingahóp U19

Ísfold Marý Sigtryggsdóttir. Útklipptu myndirnar eru úr myndum sem Þórir Tryggva tók í Boganum þegar Þór/KA mætti Þrótti á dögunum.

Fram undan er lokaundirbúningur U19 landsliðsins fyrir þátttöku í milliriðli EM í byrjun apríl.

Leikir liðsins í milliriðlinum verða 6., 9. og 12. apríl. Leikið er á Englandi og andstæðingarnir verða Belgía, England og Wales.

Margrét Magnúsdóttir, þjálfari U19 landsliðsins hefur valið 24 leikmenn sem koma munu saman til æfinga í Skessunni í Hafnarfirði dagana 14.-16. mars. Þar á meðal er ein úr okkar hópi, sem fyrr, Ísfold Marý Sigtryggsdóttir.

Hópinn allan og dagskrána má sjá á vef KSÍ - hér.

Ísfold Marý í leik með Þór/KA gegn Þrótti í Boganum 5. mars. Myndir: Þórir Tryggva.