Kjarnafæðimótið: Þór/KA mætir Völsungi í dag

Þór/KA mætir liði Völsungs í öðrum leik sínum í Kjarnafæðimótinu í dag. Leikurinn fer fram í Boganum og hefst kl. 17.

Þór/KA vann fyrsta leik sinn í mótinu þegar stelpurnar mættu liði FHL, eða blöndu af FHL og Einherja, um liðna helgi. Úrslitin urðu 7-0.

Völsungur mætti Tindastóli daginn áður og laut þar í lægra haldi, lokatölur 0-2.

Það má reyndar búast við mörgum Þór/KA-stelpum á grasinu í dag þar sem leikmenn úr Þór/KA2 verða væntanlega lánaðir Húsvíkingum í þessum leik, eins og í leiknum gegn Tindastóli fyrir rúmri viku.

Kjarnafæðimótið - kvennadeild (kdn.is)