Karfan er tóm.
Kvennakvöldið 2026: Styrkur afhentur aðildarfélögunum
20.07.2026
Frá afhendingu styrksins, sjá nöfn inni í fréttinni. Mynd: Ármann Hinrik.
- - -
- - -
Fyrir leik Þórs/KA og ÍBV í Bestu deildinni í gær afhentu fulltrúar kvennakvöldsnefndar Þórs og KA styrk til þeirra fjögurra deilda og liða sem standa að kvennakvöldinu.
Kvennakvöldið hefur fest sig í sessi og hefur verið haldið í maímánuði undanfarin ár. Eitt af markmiðunum með kvennakvöldinu er að afla fjár til rekstrar kvennaliðanna í boltaíþróttunum hjá Þór og KA og skiptist ágóðinn jafnt á fjórar deildir og lið; knattspyrnulið Þórs/KA, handboltalið KA/Þórs, körfuknattleiksdeild Þórs og blakdeild KA.
Fulltrúar kvennakvöldsnefndarinnar, þær Eva Björk Halldórsdóttir og Linda Guðmundsdóttir afhentu fulltrúum þessara deilda/liða afrakstur kvennakvöldsins fyrir leik Þórs/KA og ÍBV í Bestu deild kvenna í gær.
Þór/KA færir kvennakvöldsnefndinni og öllum sem gerðu kvöldið mögulegt og glæsilegt bestu þakkir.
Frá afhendingu styrksins. Frá vinstri: Eva Björk Halldórsdóttir úr kvennakvöldsnefndinni, Kári Þorleifsson frá körfuknattleiksdeild Þórs, Lydía Gunnþórsdóttir og Bergrós Guðmundsdóttir frá KA/Þór, Auður Pétursdóttir og Kara Árnadóttir frá blakdeild KA, Dóra Sif Sigtryggsdóttir frá Þór/KA og Linda Guðmundsdóttir frá kvennakvöldsnefndinni.
Í tilkynningu frá kvennakvöldsnefndinni segir:
Árlegt Kvennakvöldi Þórs og KA 2026 var haldið með frábærri þátttöku og einstökum stuðningi frá samfélaginu. Við erum stolt af því að tilkynna að samtals söfnuðust 5,6 milljónir króna og hver deild fær því 1.400.000 krónur.
Markmið úthlutunar: Að efla kvennastarf, styrkja aðstöðu, skapa tækifæri og tryggja að konur og stúlkur í íþróttum hafi aðgang að öflugum og faglegum umhverfum.
Nefndin vill koma á framfæri þakklæti til allra þeirra sjálfboðaliða sem komu að undirbúningi og framkvæmd kvöldsins. Einnig færum við okkar bestu þakkir til allra styrktaraðila kvöldsins.
Í kvennakvöldsnefndinni eru Linda Guðmundsdóttir, Eva Björk Halldórsdóttir og María Kristín Davíðsdóttir.
