Leikdagur: Upplýsingar fyrir áhorfendur

Þór/KA tekur á móti FH í 1. umferð Bestu deildarinnar í dag kl. 16. Leikið er á nýja gervigrasvellinum sunnan við Bogann. 

Þar sem umhverfi vallarins er ekki fullklárað eru áhorfendur á leiknum beðnir um að gæta varúðar.

• Miðasala er við hlið hjá norðausturhorni vallarins.
• Gönguleið áhorfenda frá aðalbílastæði og úr Hamri er í gegnum hlið milli Hamars og Bogans, meðfram Boganum.
• Salerni eru við norðurenda vallarins, í gönguleið áhorfenda frá bílastæði í stúkuna.
• Veitingasala verður öll í Hamri að þessu sinni þar sem gámur sem til þess er ætlaður er ekki kominn norður.
• Fyrir leik í dag verður hitað upp með pizzum og öðrum veitingum í Hamri.
• Árskort afhent við hliðið.

Athugið: Þegar meistaraflokksleikir eru á nýja vellinum er Þórssvæðið lokað öðrum en liðunum, dómurum, gæslufólki og starfsfólki svæðisins, afmarkað með rauðu á myndinni. Íþróttafólk og almenningur geta því ekki notað grasvöllinn eða hlaupabrautirnar frá því klukkutíma fyrir leik og þar til eftir að leik lýkur.