Stórt tap gegn Stjörnunni

Þór/KA mátti þola 5-0 tap gegn Stjörnunni í leik liðanna í 8. umferð Bestu deildarinnar sem fram fór í Garðabænum í gær. 

Byrjunin á leiknum var afleit. Slysamark á fjórðu mínútu og svo annað mark nokkrum mínútum síðar virtust slá okkar stelpur út af laginu og má segja að liðið hafi aldrei náð sér á flug í leiknum. Liðið skapaði sér fá færi, en átti engu að síður nokkur skot sem annað hvort hittu ekki á markið eða markvörður Stjörnunnar átti í litlum vandræðum með.

Leikmenn Stjörnunnar fengu iðulega nóg pláss til að athafna sig og sækja að marki Þórs/KA, sem skilaði þeim fimm mörkum þegar upp var staðið.

Leikskýrslan á vef KSÍ. 

Þór/KA er áfram í 7. sætinu með níu stig eftir átta umferðir,

Staðan í deildinni, úrslit leikja og leikjadagskrá á vef KSÍ.

Næsta verkefni er hins vegar í átta liða úrslitum Mjólkurbikarkeppninnar, en Þór/KA mætir liði Selfoss á útivelli föstudaginn 10. júní kl. 18.

Næsti leikur liðsins í Bestu deildinni er heimaleikur gegn KR þriðjudaginn 14. júní kl. 18.