Þór/KA mætir FH í Hafnarfirðinum

Þór/KA mætir FH á útivelli í 14. umferð Bestu deildar kvenna í kvöld. Vakin er athygli á breyttum leiktíma frá upphaflegri leikjadagskrá. Leikurinn hefst kl. 18:00.

Fyrir leikinn sitja liðin í 4. og 5. sæti deildarinnar, FH með 21 stig og Þór/KA með 19. FH gerði jafntefli við Breiðablik í síðustu umferð, en Þór/KA fékk skell gegn Þrótti. Fyrri leik liðanna í sumar lauk með 2-0 sigri FH á Akureyri. Liðin hafa mæst 21 sinni í efstu deild Íslandsmótsins, en síðast voru liðin samtímis í efstu deild árið 2020. Leikir liðanna það sumar unnust báðir á útivelli. Þór/KA hefur oftar haft betur í viðureignum við FH í efstu deild, hefur unnið 15 sinnum gegn þremur sigrum FH.

Staðan í deildilnni fyrir leikinn í dag.