Þrjú lið, brons og þreytandi heimferð af Gothia Cup

23.07.2026

Stelpurnar stilltu sér upp við Erró-vegginn á Keflavíkurflugvelli við brottför.

Þrjú lið úr 3. flokki Þórs/KA tóku þátt í Gothia Cup í liðinni viku. Samtals héldu 43 stelpur, sex fararstjórar og tveir þjálfarar utan til Svíþjóðar sunnudaginn 12. júlí og hófu leik daginn eftir. Mótinu lauk síðastliðinn laugardag, en ferðalagið tók heldur lengri tíma en ætlunin var vegna tafa á flugi, eins og komið hefur fram í fréttum fjölmiðla. Hópurinn renndi loks í hlað á Akureyri á tíunda tímanum að morgni þriðjudagsins 21. júlí.

Tvö af liðum Þórs/KA spiluðu í flokki G16 og eitt í G15. Gothia Cup er risastórt mót sem fram fer í Gautaborg á hverju ári. Að þessu sinni voru 1.964 lið stúlkna og drengja á aldrinum 11-18 ára frá 77 þjóðlöndum. Alls voru spilaðir 4.947 leikir á mótinu.

Brons hjá liði 1 í G16

Lið 1 frá Þór/KA í G16 flokknum vann alla leiki sína í riðlinum og fór áfram í A-úrslitin. Andstæðingarnir í riðlinum voru tvö sænsk lið og eitt mexíkóskt. Í útsláttarkeppninni mættu stelpurnar liði frá Bandaríkjunum, Noregi, Englandi og Svíþjóð. Stelpurnar fóru alla leið í undanúrslit, en töpuðu þar fyrir sænsku liði og unnu til bronsverðlauna.

Riðlakeppni

Mossens BK - Þór/KA 1-7
Þór/KA - Academy Elite 4-0
Danderyds SK - Þór/KA 1-8

32 liða A-úrslit

Þór/KA - VA United 4-0

16 liða A-úrslit

Þór/KA - Fredrikstad FK 4-3

Átta liða úrslit

Eagles FC - Þór/KA 0-3

Undanúrslit

Þór/KA - Bjärreds FF 0-2

Allar upplýsingar: Gothia Cup - Results

Lið 2 í G16 fór í átta liða úrslit

G16, lið 2, spilaði í riðli með einu norsku og tveimur sænskum liðum. Stelpurnar gerðu tvö jafntefli og töpuðu einum leik í riðlinum og fóru í B-úrslit. Þar sigruðu þær sænskt lið í 16 liða B-úrslitum, en töpuðu fyrir norsku liði í átta liða úrslitum.

Riðlakeppni

Älvsborg FF - Þór/KA 1-1
Þór/KA - Lørenskog IF 1-2
Österåker United FK - Þór/KA 2-2

16 liða B-úrslit

Þór/KA - FC Norrsken 4-0

Átta liða B-úrslit

Þór/KA - Oppsal IF 0-2

Allar upplýsingar: Gothia Cup - Results

G15 fór í 16 liða úrslit

U15 liðið mætti liðum frá Svíþjóð og Bandaríkjunum í riðlakeppninni, endaði þar í 3. sæti eftir einn sigur og tvö töp, vann sænskt lið í 32 liða úrslitum, en féll út eftir tap fyrir ensku liði í 16 liða úrslitunum.

Riðlakeppni