U15 landslið: Bríet Sara og Harpa Karen á UEFA-mót

Bríet Sara Níelsdóttir og Harpa Karen Karlsdóttir hafa verið valdar í landsliðshóp U15 sem tekur þátt í UEFA þróunarmóti á Spáni í nóvember.

Þjálfari U15 landsliðsins er Gunnhildur Yrsa Jónsdóttir og hefur hún valið 20 stelpur sem spila fyrir Íslands hönd á mótinu. Íslenska liðið mætir landsliðum Spánar, Belgíu og Þýskalands dagana 10.-14. nóvember. 

Þær Bríet Sara og Harpa Karen eru báðar fæddar 2012 og voru því að ljúka veru sinni í 4. flokki sinna félaga í haust og fara upp í sameiginlegt lið í 3. flokki Þórs/KA. Báðar hafa þær reyndar nú þegar komið við sögu með 3. flokki Þórs/KA/VDK og Bríet Sara einnig með U20 (2. flokki) Þórs/KA/Dal/Völ í sumar. 

Leikjadagskrá íslenska liðsins:

• Þriðjudagur 10. nóvember kl. 10
  Spánn - Ísland
• Fimmtudagur 12. nóvember kl. 14
  Ísland - Belgía
• Laugardagur 14. nóvember kl. 14
  Þýskaland - Ísland

Hópur U15 kvenna fyrir UEFA Development mót á Spáni - KSÍ

Fyrr í októbermánuði voru þrjár frá KA og Þór valdar í æfingahóp sem kom saman og æfði í Miðgarði í Garðabæ og á Þróttarvelli í Laugardal 15.-17. október. Þar voru þær báðar, Bríet Sara og Harpa Karen, ásamt Tinnu Margréti Axelsdóttur.

Æfingahópurinn fyrr í októbermánuði: Æfingahópur U-15 kvenna - KSÍ