U16: Þrír leikir í dag og Íslandsmeistaratitill í húfi

Nú líður að lokum tímabilsins hjá U16 liðunum okkar. Öll eiga heimaleik í dag og tvö af þremur liðum klára sína leiki í dag, Íslandsmeistaratitill í húfi hjá öðru þeirra. Þriðja liðið klárar sína leiki um næstu helgi.

Hér að neðan má sjá yfirlit um árangur liðanna í sumar. A1 og A2 liðin spiluðu í lotukerfinu þar sem eru 5-8 lið í hverri deild og færast á milli deilda eftir árangri í hverri lotu. A1 spilaði í A-deild í öllum þremur lotunum og A2 liðið í C-deildinni. Þriðja liðið sem félagið teflir fram er í keppni B-liða og spilar þar í A-deild. Hægt er að fara beint inn á upplýsingar um hverja deild og lotu með því að smella á nöfn deildanna.

U16 - A-lið - A-deild

Þór/KA/VDK tekur á móti Val/KH á Þórsvellinum í dag kl. 14. Með sigri eða jafntefli tryggir liðið sér Íslandsmeistaratitil í 3. flokki, en tapi liðið gæti það engu að síður unnið titilinn eftir því hvernig úrslit annarra leikja verða.

• A-deild, lota 1: Liðið endaði í 2. sæti með 12 stig - fjórir sigrar, tvö töp
• A-deild, lota 2: Liðið endaði í 4. sæti með 12 stig - fjórir sigrar, þrjú töp
• A-deild, lota 3: Liðið er í 1. sæti með 15 stig eftir sex leiki, einum leik ólokið

U16 - A-lið - C-deild

Félagið tefldi fram tveimur A-liðum og spilaði Þór/KA/VDK-2 í C-deildinni. A2 liðið á þremur leikjum ólokið. Liðið tekur á móti Aftureldingu í dag kl. 11 í fyrsta leik dagsins. 

• C-deild, lota 1: Liðið endaði í 4. sæti með 13 stig, vann fjóra leiki, gerði eitt jafntefli og tapaði tveimur.
• C-deild, lota 2: Liðið endaði í 3. sæti með 11 stig, vann þrjá leiki, gerði tvö jafntefli og tapaði einum.
• C-deild, lota 3: Liðið á þremur leikjum ólokið, er sem stendur í 5. sæti með eitt stig.

U16 - B-lið - A-deild

• B-lið, A-deild: Liðið á einum leik ólokið, er sem stendur í 8. sæti með 16 stig, fimm sigra, eitt jafntefli og níu töp.

Samtals eiga U16 liðin eftir að leika fimm leiki áður en tímabilinu lýkur. A1 og B liðin klára sína leiki í dag, en A2 spilar tvo leiki um næstu helgi.