Besta deildin: Mörkin telja, falleg eða ljót

Karítas Tómasdóttir, Heiða Ragney Viðarsdóttir, Angela Mary Helgadóttir, Agnes Birta Stefánsdóttir og Sandra María Jessen í leiknum í gær. Mynd: Egill Bjarni Friðjónsson.
- - -

Eftir fimm sigurleiki í röð í Bestu deildinni, þar af þrjá á heimavelli, kom tapleikur á fyrsta grasleiknum í gær gegn Breiðabliki.

Breiðablik náði forystunni í fyrri hálfleik þegar það sem átti að vera fyrirgjöf á fjærsvæðið hægra megin en boltinn fóri í háum boga og í markið. Annað markið kom eftir tæplega tíu mínútna leik í seinni hálfleik þegar boltinn lak inn fyrir línuna eftir atgang og þvögu í teignum hjá okkar liði. Þessi tvö mörk verða seint talin með fallegri mörkum tímabilsins, en mörkin telja jafn mikið hvort sem þau eru ljót eða falleg. Þriðja markið kom síðan í uppbótartíma og niðurstaðan þriggja marka ósigur. 

Það þýðir þó ekki að dvelja lengi við þennan leik því það eru næg verkefni fram undan. Strax á þriðjudag (11. júní) er komið að útileik gegn FH í átta liða úrslitum Mjólkurbikarkeppninnar og á laugardag (15. júní) er komið að næsta leik í Bestu deildinni og það er einnig útileikur, gegn Stjörnunni. Leikurinn í gær er að baki og einbeitingin komin á næsta verkefni.

Breiðablik er áfram á toppi Bestu deildarinnar með 21 stig eftir sjö umferðir, Valur náði 2. sætinu aftur og er með 18 stig, en Þór/KA í 3. sæti með 15 stig. 

Þór/KA - Breiðablik 0-3 (0-1)

• 0-1 - Agla Albertsdóttir (35')
• 0-2 - Vigdís Lilja Kristjánsdóttir (53')
• 0-3 - Andrea Rut Bjarnadóttir (90+3')
• Leikskýrsla: Þór/KA - Breiðablik - (ksi.is)
• Íslandsmót KSÍ - Besta deild kvenna - 2024 - (ksi.is)
• Myndaalbúm - Egill Bjarni Friðjónsson
• Myndaalbúm - Þórir Tryggva
• Í beinni: Þór/KA - Breiða­blik | Toppslagur á Akur­eyri - Vísir (visir.is)
• Upp­gjör: Þór/KA - Breiða­blik 0-3 | Blikar völtuðu yfir toppslaginn - Vísir (visir.is)
• „Sést oft í Eyjum og á N1 mótinu en á kannski ekki að vera í fullorðinsfótbolta” - Vísir (visir.is)
• „Við vorum ekki að fara spila fót­bolta hérna“ - Vísir (visir.is)
• Þægilegur sigur Blikakvenna (mbl.is)
• „Þetta átti aldrei að vera fallegt“ (mbl.is)
• Lýsing, skýrsla, viðtöl - Fótbolti.net (fotbolti.net)
  

Molar og fróðleikur

• 1  - Emelía Ósk Krüger var í byrjunarliðinu í gær og er það í fyrsta skipti í leik í Bestu deildinni, en áður hafði hún komið við sögu í 12 leikjum í deildinni sem varamaður og skorað eitt mark, gegn Tindastóli í 6. umferðinni. 
• 1 - Bríet Jóhannsdóttir var einnig í fyrsta skipti í byrjunarliði í leik í Bestu deildinni. Áður hafði hún komið við sögu í 16 leikjum í deildinni og skorað tvö mörk, annað þeirra gegn Breiðabliki á Kópavogsvelli í fyrrasumar. 
• 17  - Leikurinn gegn Breiðabliki var sá fyrsti sem Þór/KA spilar á þessu ári án þess að skora. Áður hafði liðið spilað samtals 17 leiki og skorað í þeim 64 mörk. Þar til í gær voru tölurnar þessar: Kjarnafæðimótið: 4 leikir, 19 mörk, Lengjubikar: 6 leikir, 25 mörk, Mjólkurbikar: 1 leikur, 2 mörk, Besta deildin: 6 leikir, 18 mörk.
  
• 30 - Bríet Jóhannsdóttir spilaði sinn 30. meistaraflokksleik í mótum á vegum KSÍ.
• 60 - Amalía Árnadóttir spilaði sinn 60. meistaraflokksleik í mótum á vegum KSÍ, þar af eru 25 í efstu deild.
• 160 - Sandra María Jessen  spilaði sinn 160. leik í efstu deild hér á landi. 
  
  

Emelía Ósk Krüger í leiknum gegn Breiðabliki. Bríet Jóhannsdóttir fylgist með. Mynd: Þórir Tryggva.

Amalía Árnadóttir skallar boltann í leiknum í gær. Mynd: Þórir Tryggva.

Sandra María Jessen sækir að marki gestanna. Mynd: Þórir Tryggva.