Besta deildin: Þór/KA mætir Fram í dag - FRÍTT Á LEIKINN

Bílaleiga Akureyrar og Grand þvottur ehf. bjóða frítt á síðasta heimaleikinn okkar þetta sumarið. Þór/KA tekur á móti Fram í dag kl. 18. Núna er rétti tíminn til að drífa sig á völlinn, láta vel í sér heyra í stúkunni og styðja stelpurnar okkar til sigurs. 

Ýmislegt verður í boði í kringum leikinn, fyrir leik og í leikhléi í tilefni af því að þetta er síðasti heimaleikur liðsins á tímabilinu. Sjá nánar um það í frétt hér á vefnum fyrr í vikunni. 

Eins og áður hefur komið fram er keppni í neðri hluta Bestu deildarinnar gríðarlega jöfn og spennandi. Aðeins eru tvær umferðir eftir og munar þremur stigum á liðunum í efsta og neðsta sæti þessa hluta deildarinnar. Hvert einasta stig er því dýrmætt í þessari baráttu fjögurra liða um áframhaldandi sæti í deildinni. 

• Fram - 23 stig - markamunur -15
• Þór/KA - 22 stig - markamunur -3
• Víkingur - 21 stig - markamunur -11
• Valur - 20 stig - markamunur -10
• Besta deildin - neðri hluti
  
  
• 25.09.: Þór/KA - Fram
• 25.09.: Valur - Víkingur
  - - -
• 02.10.: Víkingur - Þór/KA
• 02.10.: Fram - Valur