Kimberley Dóra Hjálmarsdóttir: 100 leikir fyrir Þór/KA

Kimberley Dóra Hjálmarsdóttir spilaði í gær sinn 100. meistaraflokksleik með Þór/KA. Hún á einnig að baki níu leiki með Hömrunum í 2. deild.

Kimberley Dóra hefur spilað allar mínútur í öllum leikjum liðsins í Bestu deildinni og Mjólkurbikarnum á þessu tímabili, auk fimm leikja af sjö sem liðið spilaði í Lengjubikarnum. Þar var hún ekki með í einum leik og spilaði seinni hálfleikinn í einum. Auk meistaraflokksleikjanna með Þór/KA og Hömrunum á hún að baki 19 leiki með U23, U19, U18, U17 og U16 landsliðum Íslands.

Leikir og mörk

Kimberley Dóra spilaði sína fyrstu meistaraflokksleiki á lánssamningi hjá Hömrunum í 2. deild og bikarkeppninni sumarið 2020. Fyrstu leikina með meistaraflokki Þórs/KA spilaði hún 2021.

• Fyrsti leikur með mfl. Þórs/KA: 14. febrúar 2021 í 5-2 sigri gegn Tindastóli í Lengjubikarnum í Boganum.
• Fyrsti leikur í efstu deild: 15. maí 2021 í 3-1 tapi gegn Breiðabliki á Kópavogsvelli.
• Fyrsta mark í meistaraflokki: 12. febrúar 2022, tvö mörk í 3-0 sigri á Keflavík í Lengjubikarnum
• Fyrsta mark í efstu deild: 22. maí 2023 í 2-1 tapi gegn Þrótti á AVIS-vellinum í Laugardal.

Kimberley Dóra Hjálmarsdóttir í leik með Þór/KA gegn KR í 16 liða úrslitum Mjólkurbikarkeppninnar í sumar. Mynd: Ármann Hinrik.

Kimberley Dóra Hjálmarsdóttir í leik í Boganum í sumar. Mynd: Ármann Hinrik.