Mörkin: Una, Ísfold, Agnes og Sonja

 

 

Una Móeiður Hlynsdóttir (2005) skoraði sitt fyrsta mark fyrir meistaraflokk Þórs/KA í leik liðsins gegn FHL í fyrstu umferð Kjarnafæðismótsins 2022 síðastliðinn sunnudag. Una Móeiður er á yngsta ári í 2. flokki, en á að baki 19 leiki í meistaraflokki með Hömrunum undanfarin tvö tímabil - og þrjú mörk í þeim leikjum. Að auki hefur hún spilað 11 leiki í Kjarnafæðismótinu og skorað þar fjögur mörk - að meðtöldum leiknum síðastliðinn sunnudag.

 

Una Móeiður skoraði fyrsta mark Þórs/KA í 4-2 sigri á FHL. Hún fékk þá góða endingu frá Margréti inn á teiginn vinstra megin og lagði boltann af yfirvegun í markið.

 

 

Ísfold Marý Sigtryggsdóttir (2004) hefur leikið 31 leik í meistaraflokki með Þór/KA og Hömrunum - og hefur skorað tvö mörk í þeim leikjum. Hún kom fyrst við sögu í meistaraflokki með Þór/KA sumarið 2019. Auk þessara leikja hefur hún spilað sjö leiki í Kjarnafæðismótinu. Hún kom Þór/KA í 2-0 í leiknum gegn FHL í Kjarnafæðismótinu síðastliðinn sunnudag, með hnitmiðuðu skoti fyrir utan teig, alveg út við stöng. Þetta er fyrsta markið hennar með meistaraflokknum hjá Þór/KA, en áður hafði hún tvisvar skorað með Hömrunum í 2. deild sumarið 2020.

 

 

Agnes Birta Stefánsdóttir (1997) hefur að mestu leikið á miðjunni með Þór/KA, en einnig sem miðvörður þegar hún var lánuð til Tindastóls sumarið 2020. Hún hefur stundað nám og spilað fótbolta í Ohio í Bandaríkjunum undanfarin ár og því aðeins verið með okkur hluta úr þeim tímabilum.

 

Agnes Birta hefur spilað 55 leiki í meistaraflokki og skorað eitt mark, auk marksins síðastliðinn sunnudag þegar hún kom Þór/KA í 3-1 í seinni hálfleiknum. Fyrsta markið kom í sigri gegn ÍBV sumarið 2019. Markið gegn FHL var skallamark eftir hornspyrnu frá Unni Stefánsdóttur - en þær Agnes Birta og Unnur skrifuðu einmitt saman undir leikmannasamning við Þór/KA fyrir leikinn á sunnudaginn.