Sex leikmenn frá Þór/KA og Dalvík í æfingahópu U16

U16 landslið kvenna kemur saman til æfinga á Laugardalsvelli 21.-22. júlí. Þar eigum við sex fulltrúa, en þar af eru tvær úr okkar röðum sem eru skráðar í Dalvík og hafa spilað bæði með 3. flokki hjá okkur og meistaraflokki Dalvíkur í 2. deildinni.

Aldís Ylfa Heimisdóttir, sem tók við þjálfun U16 landsliðsins í upphafi árs, hefur valið alls 32 leikmenn til æfinga með U16 landsliðinu. Þar af eru þessar sex úr okkar hópi:

• Ásta Ninna Reynisdóttir (Dalvík)
• Hafdís Nína Elmarsdóttir (Dalvík)
• Bríet Fjóla Bjarnadóttir (Þór/KA)
• Guðrún Lára Atladóttir (Þór/KA)
• Halldóra Ósk Gunnlaugsdóttir Briem (Þór/KA)
• Sigyn Elmarsdóttir (Þór/KA)

Þær Bríet Fjóla og Hafdís Nína eiga nú þegar að baki leiki með U15 og U16 landsliðum Íslands.