U16: Markaregn í tapi á Skaganum

Þór/KA2 hóf leik í annarri lotu í B-riðli Íslandsmótsins í 3. flokki í gær með heimsókn á Skagann þar sem stelpurnar mættu sameiginlegu liði ÍA, Skallagríms og Víkings í Ólafsvík. Mörkunum rigndi, samtals 13 mörk skoruð eða mark á rúmlega sex mínútna fresti.

Heimaliðið hafði 4-2 forystu eftir fyrri hálfleikinn, en okkar lið varð fyrir því óláni að missa eina af velli með rautt spjald (tvö gul) eftir aðeins nokkurra mínútna leik í seinni hálfleiknum. Róðurinn var því erfiður, en þær gáfust þó aldrei upp, minnkuðu muninn í eitt mark einum færri, en heimastúlkur svöruðu og náðu þriggja marka forystu. Okkar stelpur héldu áfram, minnkuðu muninn tvívegis í tvö mörk, en munurinn á endanum þrjú þegar upp var staðið.

ÍA/Skallagrímur/VíkingurÓ - Þór/KA2 8-5 (4-2)

• 1-0 - Aþena Líf Vilhjálmsdóttir (7')
• 1-1 - Sóley Eva Guðjónsdóttir (10')
• 2-1 - Nadía Steinunn Elíasdóttir (18')
• 3-1 - Nadía Steinunn Elíasdóttir (22')
• 3-2 - Dagmar Huld Pálsdóttir (25')
• 4-2 - Bríet Sunna Gunnarsdóttir (30')
• 4-3 - Marsibil Stefánsdóttir (48')
• 5-3 - Nadía Steinunn Elíasdóttir (50')
• 6-3 - Helena Ósk Einarsdóttir (51')
• 6-4 - Katrín Lilja Árnadóttir (59')
• 7-4 - Tinna Pálsdóttir (61')
• 7-5 - Marsibil Stefánsdóttir (69')
• 8-5 - Nadía Steinunn Elíasdóttir (77')
• Leikskýrsla: ÍA/Skallagr/Víkó - Þór/KA 2 - (ksi.is)
• Íslandsmót KSÍ - 3. flokkur kvenna B-riðill lota 2 - 2024 - (ksi.is)