Þór/KA

Þór/KA hefur ekki oft sótt gull í greipar Hlíðarenda. Sigurinn á laugardag var því nokkuð sögulegur enda aðeins annar sigur Þórs/KA á Val í efstu deild Íslandsmótsins að Hlíðarenda. Sautján ár á milli og Arna Sif Ásgrímsdóttir spilaði báða leikina.

Þór/KA vann 1-0 sigur á Val á útivelli í 19. umferð Bestu deildarinnar, sem jafnframt var fyrsta umferð í neðri hluta deildarinnar eftir skiptingu. Margrét Árnadóttir skoraði eina mark leiksins í seinni hálfleiknum.

Þór/KA sækir Val heim í 19. umferð Bestu deildarinnar í dag, sem jafnframt er fyrsta umferðin í neðri hluta deildarinnar.

Bestu deild kvenna hefur nú verið skipt í tvennt. Sex efstu liðin mætast í einfaldri umferð og fjögur neðstu sömuleiðis. Þór/KA á leiki laugardaginn 19. september, föstudaginn 25. september og föstudaginn 2. október. Liðið fær einn heimaleik, 25. september, og verður frítt á þann leik í boði Grand þvottar og Bílaleigu Akureyrar.

Hafdís Nína Elmarsdóttir er stödd með U17 landsliði Íslands í Portugal þar sem liðið tekur þátt í æfingamóti.

Þór/KA og Skógarböðin hafa endurnýjað samstarfssamning sinn til næstu tveggja ára, eða út árið 2028.