Þrjú lið úr 3. flokki Þórs/KA tóku þátt í Gothia Cup í liðinni viku. Samtals héldu 43 stelpur, sex fararstjórar og tveir þjálfarar utan til Svíþjóðar sunnudaginn 12. júlí og hófu leik daginn eftir. Mótinu lauk síðastliðinn laugardag, en ferðalagið tók heldur lengri tíma en ætlunin var vegna tafa á flugi, eins og komið hefur fram í fréttumfjölmiðla.

Barátta, ákveðni, samheldni og góður stuðningur skiluðu Þór/KA þremur stigum úr viðureign liðsins við ÍBV í gær. Lokatölur urðu 2-1 og er þetta þriðji heimasigur liðsins í röð.

Fyrir leik Þórs/KA og ÍBV í Bestu deildinni í gær afhentu fulltrúar kvennakvöldsnefndar Þórs og KA styrk til þeirra fjögurra deilda og liða sem standa að kvennakvöldinu.

Bríet Jóhannsdóttir og Emelía Ósk Krüger skrifuðu í gær undir nýja samninga við Þór/KA. Samningarnir gilda út keppnistímabilið 2028. 

Stjórn Þórs/KA hefur samið við bandaríska knattspyrnukonu, Libby Moore, um að leika með liðinu út keppnistímabilið. Libby leikur á miðjunni og er ætlað að styrkja hópinn í stað leikmanna sem eru að fara í önnur verkefni.

Stjórn Þórs/KA og knattspyrnudeildar Þróttar hafa komist að samkomulagi um félagaskipti Bríetar Fjólu Bjarnadóttur í Þrótt og taka þau gildi þegar í stað. Samningur Bríetar Fjólu við Þór/KA gilti út yfirstandandi tímabil en samkomulag varð milli félaganna, leikmannsins og forráðamanna að hún skipti strax yfir til Þróttar.

Heimsókn okkar liðs í Garðabæinn í gær gaf okkur engin stig, þrátt fyrir baráttuhug eftir að hafa lent 1-0 og 3-1 undir, en náð að minnka muninn í 3-2 og ekki verið langt frá því að jafna leikinn á lokamínútunum. Niðurstaðan 3-2 sigur Stjörnunnar.

Þrjú lið frá Þór/KA héldu utan til Svíþjóðar í gær til þátttöku í Gothia Cup sem hefst í dag.

Sigur og þrjú stig í pokann í gær. Margrét Árnadóttir með eina mark leiksins á þriðju mínútu með laglegri afgreiðslu eftir aukaspyrnu frá Hildi Önnu Birgisdóttur. 

U19 landsliðið tryggði sér í vor sæti í lokamóti EM sem fram fer í Bosníu-Herzegovínu næstu daga. Í þeim hópi er Elísa Bríet Björnsdóttir frá Þór/KA. - - -