Sandra María Jessen og María Catharina Ólafsdóttir Gros eru báðar A-landsliðshópnum sem valinn hefur verið fyrir tvo leiki Íslands í undankeppni HM í apríl. 

Dregið hefur verið í happdrætti meistaraflokks Þórs/KA. Hér að neðan má sjá vinningsnúmerin.

Leikmenn og þjálfarar meistaraflokks Þórs/KA verða með fótboltaskóla fyrir stelpur í 4.-7. flokki (2012-2019) í Boganum í næstu viku - dymbilvikunni, mánudag, þriðjudag og miðvikudag.

Þegar þú kaupir miða á landsleiki A-landsliðsins getur þú valið Þór/KA sem styrkþega og þá fara 20% af andvirði miðans til félagsins. 

Þór/KA vann FH í lokaleik liðanna í riðli 1 í A-deild Lengjubikarsins, en endaði í 3. sæti riðilsins og fór því ekki áfram í undanúrslit mótsins. Erin Flurey skoraði þrennu í sínum fyrsta leik fyrir félagið. 

Þór/KA vann öruggan sigur á liði FHL þegar liðin mættust í Fjarðabyggðarhöllinni á Reyðarfirði föstudaginn 27. febrúar. Ekki hefur gefist tími til að segja frá leiknum hér á síðunni fyrr en nú - en betra er seint en aldrei.

Þrjár úr okkar hópi, Birgitta Rún Finnbogadóttir, Elísa Bríet Björnsdóttir og Hildur Anna Birgisdóttir eru í landsliðshópi U19 sem kemur saman til æfinga á næstu dögum.

Þór/KA vann Grindavík/Njarðvík 1-0 í þriðja leik sínum í riðli 1 í A-deild Lengjubikarsins. Bríet Fjóla Bjarnadóttir skoraði eina mark leiksins þegar tíu mínútur voru liðnar. Vítaspyrna fór forgörðum í fyrri hálfleiknum sem og fjölmörg tækifæri sem liðið skapaði sér í leiknum. Öflugur markvörður gestanna átti meðal annars þátt í því að sigurinn varð ekki stærri.