Óskabyrjun, ekki hægt að orða það öðruvísi eftir 4-1 sigur á útivelli í fyrsta leik liðsins í Bestu deildinni.

Keppni í Bestu deild kvenna er hafin. Tveir leikir voru spilaðir í gærkvöld, en okkar lið fer af stað í dag og sækir lið Víkings heim í Fossvoginn. Leikurinn hefst kl. 18.

Keppni í Bestu deild kvenna er hafin, tveir leikir á dagskrá í kvöld og þrír á morgun. Tímabært að kíkja aðeins á leikjadagskrána og leikmannahópinn hjá Þór/KA.

Stuðningsannakvöld var haldið í Hamri fimmtudaginn 10. apríl. Þar voru þó aðallega mættir foreldrar og aðrir ættingjar leikmanna, ásamt leikmönnum og þjálfurum félagsins, að sjálfsögðu. Nýju keppnistreyjurnar eru nýlega komnar í hús og voru sýndar á kvöldinu, Jóhann Kristinn þjálfari ræddi um komandi tímabil og þrjár úr hópnum fengu löngu tímabærar viðurkenningar fyrir leikjaáfanga. 

Það hefur ekki farið mikið fyrir því í fréttum hér á vef félagsins, en nokkuð er síðan Hulda Ósk Jónsdóttir spilaði sinn 200. leik fyrir Þór/KA. Samtals er hún komin í 300 leiki í meistaraflokki fyrir Völsung, KR og Þór/KA. Þessi talning miðar við leiki í KSÍ-mótum, þ.e. Íslandsmót, bikarkeppni, deildarbikar og meistarakeppni, auk Evrópuleikja.

Þór/KA tapaði lokaleik sínum í Kjarnafæðimótinu í gærkvöld gegn FHL, 1-4. Tindastóll vinnur því mótið á markamun.

Nú styttist í að keppni í Bestu deildinni hefjist, en áður en kemur að fyrsta leik er stuðningsmannakvöld á dagskrá á fimmtudagskvöld og svo lokaleikur okkar í Kjarnafæðimótinu föstudagskvöldið 11. apríl.

Þrjár úr leikmannahópi Þórs/KA eru þessa dagana í burtu í verkefnum með landsliðum Íslands, Sandra María Jessen með A-landsliðinu og þær Bríet Jóhannsdóttir og Sonja Björg Sigurðardóttir með U19 landsliðinu.

Þór/KA lauk keppni í A-deild Lengjubikarsins þetta árið með tapi í úrslitaleik og silfurverðlaunum. Eftir sigur í riðli 1 vann liðið Stjörnuna í vítaspyrnukeppni í undanúrslitum, en tapaði úrslitaleik gegn Breiðabliki á Kópavogsvelli. Það að tapa úrslitaleik byggir að sjálfsögðu á því að hafa unnið fyrir því að komast í úrslitaleikinn og þangað fóru aðeins tvö lið af 12 sem tóku þátt í riðlakeppni A-deildar Lengjubikarsins. 

Þór/KA sækir Breiðablik heim á Kópavogsvöll í úrslitaleik A-deildar Lengjubikarsins á morgun, föstudaginn 28. mars, og hefst leikurinn kl. 18.